Día das letras galegas

O departamento de Lingua galega fixo unha selección de poemas de Uxío Novoneyra e entregoulla ó alumnado para que coñecese parte da súa obra. Con esta selección traballou posteriormente nas aulas.

A continuación amosámosvos a escolma feita.

Open publication - Free publishing - More novoneyra

Historia do libro

Que mellor que falar do libro no seu día! Nós fixemos máis ca iso, recreamos a súa historia a través dun cómic. Aquí veredes unha mostra.

Día do libro

O 23 de abril conmemoramos o día do libro. Con este motivo desenvolvemos diferentes e atractivas actividades que despois espuxemos no noso instituto. Entre elas destacaron: un concurso de postais en inglés no que transcribimos foneticamente a pronuncia da palabra que representamos a través da imaxe (a postal gañadora aparece á esquerda); un concurso de caligramas, onde tentamos seguir as tendencias propias das vangardas artísticas dos anos vinte na literatura (tedes unha fotografía tamén neste artigo).

Visita de Xabier Docampo

No segundo trimestre tivemos a visita do autor Xabier Docampo. Este escritor publica a súa obra en galego, pero en 3º ESO lemos a versión castelá de Cando petan á porta pola noite. O relatorio foi moi interesante e entretido, posto que puidemos falar con este narrador do oficio do escritor e da arte de construír historias. Gardaremos un gran recordo da súa estadía no centro.

Teatro do oprimido

Hai pouco veu ó centro un grupo de teatro especial, o Teatro do oprimido. Esta compañía, con moi poucos recursos escénicos levou a cabo unha representación na que espertaron as nosas conciencias, posto que nos fixeron reflexionar sobre a tolerancia, a situación dos inmigrantes e os desexos de superación. Trala obra tivemos a oportunidade de falar cos actores e compartir experiencias. Semanas despois fixemos un obradoiro no que desenvolvemos os mesmos temas e debatímolos cos compañeiros.

Samaín

Durante este Samaín desenvolvemos varias actividades. Unha das que máis éxito tivo foi o taller de elaboración de cabazas, no que participou moito do noso alumnado. Acabouse creando un ambiente moi festivo no centro, posto que non so adornamos o espazo, senón tamén á xente por medio da maquillaxe. Incluso se empregou alenha, grazas á colaboración dalgunha das nosas alumnas.

Por outra banda, tendo en conta a época, fíxose unha exposición de cogumelos. Deste modo tivemos a oportunidade de coñer os nomes e o aspecto de moitas variedades.

Samaín

Un Samaín tenebroso!

A Biblioteca do IES San Rosendo de Mondoñedo convoca o concurso de relato curto Un Samaín tenebroso! no que participou moito alumnado. O certame tivo lugar na sala da biblioteca, onde @s concursantes elaboraron os seus traballos na lingua escollida.

Os relatos premiados son os que veñen a continuación.

Campeamos con el Cid

A compañía teatral El balcón de la calle de la luna acudiu ó centro para facer unha versión teatral dun clásico da nosa literatura, o Cid. Grazas á obra Campeamos con el Cid, tivemos a oportunidade de coñecer un pouco mellor a época medieval, o método de traballo dos xograres, a vida dos cabaleiros (relación co rei, coa súa familia, o mundo da guerra...) e os conflictos interculturais que existiron durante a Idade Media na nosa península.

O camiño de Santiago